LUMABAS ang bulto na nakasuot ng kapa mula sa mansiyon ni Master Takayama. May kadiliman ang paligid sa labas. Sumakay ito sa likurang bahagi ng sasakyan na naghihintay roon sa labas, hindi na nasilayan pa ang drayber.
“Let’s go,” utos niya sa kanyang tagapaghatid sa wikang Nihonggo.
Umandar ang sasakyan at binaybay ang kalye na binabalot sa fog. Nanunuot sa kanya ang lamig. Idagdag pa na kinakabahan siya kaya naman tila nanginginig ang kanyang palad habang naglalakbay ang isipan sa kung saan.
Ninenerbiyos ito matapos ang ginawa nito na iyon. Biglang nais nito na magsisi matapos marinig ang utos ni Master Takayama kanina kay Kento.
“Release a message to everyone—Kill Kenichi’s woman. The reward is ten million dollars. Wala akong pakialam kung pasukin ang babaeng iyon sa villa ni Ke
