“WHAT is your plan?” Iyon ang tanong ni Hiroshi kay Kenichi matapos silang lumayo sa pagpupulong. Sinamahan siya nito sa bar na naroon sa mismong mansiyon.
Tiningnan niya ito. Hindi siya makapaniwala na kasama niya ito sa bar at umiinom ng alak. Hindi rin siya makapaniwala na kalmado ito matapos niya itong suntukin noong magharap sila. Kung sabagay, sa kanilang dalawa ay ito lang naman ang may sama ng loob talaga sa kanya nang dahil sa naganap noon kay Yanah. Kung ayos ito na naroon siya sa paligid nito, hindi na niya dapat iyon kuwestiyunin.
“I have to protect Eleri. She's pregnant.”
Hindi na nabigla si Hiroshi dahil may ideya ito sa bagay na iyon. Hindi rin naman nakaligtas ang emosyon nito kay Kenichi.
“And you knew about it?” tanong niya kasunod ang pagpukol dito nang naniningkit
