ELERI lost her words seeing the man. Lalo na nang tinawag siya nitong anak.
“`Tay?” aniya na naluluha. Hindi niya alam ang sasabihin.
“That’s right, hija. I am your dad.” Lumapit ito sa kanya. Sa una ay tila estranghero pa ang haplos nito na yumakap sa kanyang katawan. Ilang saglit bago ito nakilala ng kanyang damdamin.
Hinaplos nito ang kanyang likuran. Bahagya rin itong nag-aalala sa kanya.
“A-akala ko ay wala na akong pamilya,” naluluha niyang usal.
“I’m sorry kung masyadong late ang pagdating ko. Pinupuntahan kita nang madalas sa dati mong tirahan. Nasabi sa akin na namatay na nga raw si Manang Ising at nasa Japan ka raw,” anito na ang tukoy ay ang kanyang abuela.
“Siya ba ang asawa mo?” nakakunot na tanong nito kay Hiroshi. Buntis siya kaya naman iyon ang una nitong tanong.
