MAAYOS na nakapanganak si Eleri. Ngunit wala siya sa matinong pag-iisip. Patuloy ang pagpasok sa kanyang isipan ng lahat ng masasakit na ala-alang naganap sa kanya sa loob ng mahigit isang taon na nagpapawala sa kanyang katinuan.
Patuloy rin ang masamang mga panaginip na dumadalaw sa kanya. Para siyang mababaliw. Noong isang araw ay muntik niyang saktan ang kanyang anak na si Kiryu dahil sa kaiiyak nito. Naroon na parang hindi niya ito nakikilala. Ang pinakamasakit sa lahat ay wala roon si Kenichi sa kanyang tabi. Ilang buwan na ang nagdaan ngunit hindi ito nagbalik.
Ano na ang naganap rito? Ang problema pa niya ay wala si Hiroshi. Wala siyang matanungan kung nasaan na ang kaibigan nito.
“Eleri, hija, I am so mad that your man never came back. Sa loob ng ilang buwan na nagbalik ako
