“MASTER, Kenichi’s woman was dead,” pagbibigay-alam ni Kento kay Master Takayama sa lokal na wika, matigas ang pagkakasabi nito niyon.
Kasalukuyang nag-me-meditate ang matanda sa tapat ng silid nito sa mansiyon. Maayos na nakaupo at nakapikit habang nakatapat sa malawak na compound ng tirahan nito para kunin ng kaisipan ang kapayapaan na kailangan. Saglit itong nawala sa atensiyon nang marinig ang balita.
May ilang saglit pa itong natahimik bago dahan-dahan na nagmulat ng mata at hinarap si Kento.
“Nasaan si Kenichi?”
“Matapos niyang ihatid ang bangkay sa ospital ay tahimik siyang nagkulong sa kanyang villa.”
Walang emosyon si Master Takayama, ngunit nilingon nito si Kento. “Sigurado ba kayo na ang Pilipina ang kasama niya sa pagtakas?”
“Master, walang papayagan ang prinsipe na sum
