THE NIGHT was cold. May paunti-unti pang hangin na dumadampi sa pisngi ni Eleri. Kahit may kakapalan ang kanyang kasuotan. Iba pa rin ang lamig kapag inabutan na ng dilim sa lugar na iyon, lalo na’t winter season na.
Nagpatuloy si Eleri at Hiroshi ng lakad. Kumikirot na rin ang kanyang ulo dahil sa klima. Ilang saglit pa nga ay hindi niya napigilan na bumahing nang magsimulang mangati ang kanyang ilong.
“Ayos ka lang?” tanong ni Hiroshi.
“Nilalamig na ako.”
Tumigil ito at inayos ang motor. Hinubad nito ang scarf na nakaikot sa leeg nito. Ipinatong nito iyon sa kanyang ulo at iniikot sa kanyang leeg. Dahil sa lapit nito ay pinakatitigan niya ang lalaki. Nabigla na lang din siya sa ginawa nito kahit pa guminhawa ang kanyang pakiramdam. Nailang naman ito sa kanyang ginawa kaya namula an
