"Sa tingin ko ay ginagawa mo nang masyadong personal ang lakad na ito Kevin. Sa huling pagkakataon, lumabas ka na lamang sa mansyon ko at wag ka nang babalik ulit!"
Nang marinig ito ni Mark ay kaagad siyang muling pumasok sa kwarto ni Richard dala ang isang baso ng tubig. Kaagad niyang ni lock ang kwarto at ibinigay ang tubig kay Kylie na kaagad namang uminom matapos tanggalin ni Mark ang posas niya sa mga kamay.
"Bilisan mong uminom ng tubig, Kylie. Mukhang mainit na ang ulo ni Boss at mukhang malalagay sa kapahamakan ang fiance mo si Kevin!"
Natulala naman bigla si Kylie sa sinabi sa kanya ni Mark. "Saglit, ano ang pinagsasabi mo? Siya ba ang lalaking nagtanong sa akin kanina? Sa kanya ba ang picture na ipinakita sa akin ni Richard kanina?" Sunod sunod na tanong ni Kylie.
"Kalma lan
