Chapter 28 (Part 2)
Negative
Kabado… Isang letra lang iyon pero ilang mga salita ang naglalaro sa isipan ko. Nakaharap ako ngayon sa aking monitor nakatingin sa blankong wordpad na dapat ay gagawin ko sana ang travel blog namin ang kaso nga lang ay inaatake ako ng anxiety ko.
Bigla ko kasing naisip na dapat ko ng sabihin ngayon sa pamilya ko kung ano ang karamdaman ko, maging ang desisyon ko na magpagamot. Hindi ko pa alam kung paano sisimulan sa kanila. Alam kong magagalit lang sila sa akin imbis na mag-alala sila. Pero alam mo iyon? Kahit sabihin ko man sa sarili ko na ayos lang makatanggap ako ng masasakit na salita galing sa kanila ay parang hindi pa ako handa para marinig ulit ang mga iyon.
Parang hindi ko pa kaya na makarinig ng masasakit na salita gayong mas kailangan ko ang s
