Maliit na ngumiti sa kanya si Julian, mabilis siyang inalalayan sa kanyang magkabilang balikat upang maupo na sa gilid ng nasabing kama.
“Gusto mo ba ng tubig?” tanong ni Julian sa kanya nang tuluyan na siyang maupo doon, marahan siyang tumango, noon lang niya naramdaman ang uhaw na ipinaalala nito. “Sige, dito ka lang, kukunan kita ng tubig sa kusina.” mungkahi ni Julian na tumalikod na.
Malawak ang ngiting muling iginala ni Freya ang kanyang mga mata sa silid. Wala siyang kaalam-alam na ang pinakamasayang araw na para sa kanya ay magiging masaklap pala. Sa kusina ng nasabing tahanan ay sundo-sunod na nilagok ni Julian ang baso ng tubig na kanyang isinalin sa basong kaharap. Halos lumabas na ang kanyang dibdib sa kaba sa sariling lalamunan niya. Sa mga oras na iyon ay tila ba gus
