Isang linggo ang matuling lumipas magmula nang makalabas na si Freya ng hospital at umuwi na ng mansion ng mga Velasco. Ilang gabi nang inuungot ni Freya na ikuwento sa kanya ni Julian ang simula ng love story nilang dalawa. Ang pagdududa na nasa kanyang puso ay agad na nawal nang pagbigyan na siya ni Julian sa kanyang kahilingan sa asawa.
"Una tayong nagkita noong pumunta ka sa dito sa bahay upang kumustahin si Aleigh," panimula ni Julian na may namumula na kaagad na mga mata dahil sa hiya niya.
"Bakit dito nakatira si Aleigh kung kapatid ko siya?" nasa garden silang dalawa at kasalukuyang namamahinga sa duyang nakalagay doon.
Mula sa kanilang kinaroroonan ay amoy na amoy ang humahalimuyak na mga bagong bukad na mga bulaklak sa kanilang garden na natataniman ng maraming mga b
