Nagsimula ang pang-umagang trabaho ni Julian, habang si Freya ay nasa sofa lang at mataman siyang pinagmamasadan. Panaka-naka ang sulyap sa screen ng cellphone.
“May hinihintay kang tawag o text?” tanong ni Julian nang mapansin iyon kanina pa.
“Si Mama at Papa, tinatanong ko kung kailan sila uuwi ang sabi ni Aleigh nasa Hacienda Evangelista pa rin sila hanggang ngayon.” tugon ni Freya sa kanya na maliit na ngumiti.
“Ah, bakit hindi mo sila tawagan?”
“Out of coverage.” ngunso niyang malalim na huminga pa.
“Baka nasa taniman niyo sila.” hinuha ni Julian upang aluin ang kanyang asawa.
Kasama nila sina Mico at Lacim sa mesa nang sumapit ang tanghalian. Saglit pang dumaan doon si Froylan na malaki ang ngiti nang makita ang bunsong kapatid niya. Nakuha ni Freya ang kanya
