Walang imik na dinakot niya ang chi-chirya at isinalpak na sa nasusunog na bibig. Hindi pa siya nakuntento ay binuhat niya na ang platong pinaglalagyan ng mga ito.
"Huwag mong ubusin Freya," saway ng Ginang sa kanya, "Nakaka isang ikot palang."
Mabilis at nahihiyang ibinaba iyon ng dalawa. Tatawa-tawa naman si Froylan sa namumula ng mukha ng kapatid niyang bunso. Umismid ang dalaga ng makita iyon.
Patuloy na umikot ang tagay sa kanilang lima sa pagitan ng mgaabigat nilang tinginan.
"Alam kong hindi ito ang una niyong pagtikim ng alak," maya-maya ay sambit ni Amorsolo,. "Ikaw Froylan, college palang alam kong umiinom ka na."
Nahihiyang kumamot sa ulo ang panganay na anak.
"Tapos noong makatapos ka na, panay pa rin ang paglalasing mo."
Mahinang tumawa si Aleigh na pulang-pula na rin a
