Dear Diary,
Simula nang matalo ako sa showdown namin ni Lawrence ay napansin ko na napapadalas ang pagbisita at pagtambay sa club ni Lawrence na ikinasisira ng araw ko. Lalo akong naaasar sa tuwing nakikita kong kilig na kilig naman itong si Heart sa tuwing dadalawin siya ng hinayupak.
Lagi pa itong naka-coat and tie na akala mo ay magbebenta ng insurance at memorial plan. Samantalang ako ay tamang shirt at faded jeans lang ang lagi kong suot. Minsan ay sinubukan kong magsuot ng coat and tie para naman masabi na naka-porma rin ako. Unang tanong ng mga staff ay kung may interview raw ba ako. Syempre ang sabi ko ay wala. Sunod ay kung magnininong daw ba ako sa kasal? Letse! Sarap pagta-tadyakan! Kaya naman tinigilan ko na ang kahibangan ko at ibinalik ko na lang ang sarili ko sa dati kong
