Kapansin-pansing magaang na ang awra ni Eman sa buong maghapon na nasa venue sila. Nakitulong pa nga ito sa kung anuman ang pwede nitong magawa. Bandang alas tres ay nagpa-order pa ito ng snacks para sa lahat. Mag-aalas sais na nang umuwi sila. S-in-erve pa kasi nila ang kahuli-hulihang recipient. Hindi na niya nagawang makipag-usap kay Levy at kaagad siyang iginiya ni Eman patungo sa sasakyan.
“Sana sumama na lang tayo sa mga kasamahan ko for dinner.”
Naglalakbay na silang pauwi sa bahay niya.
“Nah! I have other plans.”
May kakaibang ngiti na sa mga labi ni Eman. Malayo sa kaninang mukha na halos hindi maipinta. Ayaw niyang sirain sa pamamagitan nang pagbibitiw ng mga tanong. Nang gagapin ni Eman ang palad niya ay hindi niya binawi. Kahit nang pinagsalikop nito ang mga daliri nila. I
