"Mukhang masungit iyong boss mo, ha," sambit ni Marvin habang naglalakad sila papasok sa trabaho.
"Oo! Kinulang yata sa bakuna kaya gano'n. Pero ang sabi sa akin ni ate Melissa, mabait naman iyon. Ewan kung saan banda mabait! Parang hindi naman kasi totoo. Kapag kausap niya si ate Melissa, kalmado siya. Parang maamong tupa. Pero kapag ako na, dinaig pa ang Leon!" bulalas ni Laureen sabay irap.
Tumawa si Marvin. "Baka naman pinilosopo mo? Kilala kita, Laureen. Ang hilig mong mamilosopo. Kaya siguro napipikon siya sa iyo o naiinis."
"Hayaan mo siya. Wala naman akong pakialam sa kanya kahit mamatay pa diyan sa inis. Kahit mangisay pa siya o manginig sa galit."
Humagalpak ng tawa si Marvin. Bilib siya sa katapangan ng dalaga. "Eh paano kung pagalitan ka ng husto?"
Pumiksi ang dalaga. "Pak
