Ilang linggo pa ang lumipas, naging close na close sina Kyra at Laureen. Unti-unting nakuha ni Kyra ang loob ni Laureen at madalas silang umaalis. Gumagala sila sa umaga at alam naman iyon ni Lazarus.
"Mukhang mag-bestfriend na kayong dalawa ni Kyra. Wala naman ba siyang sinasabi sa iyong kakaiba?" wika ni Lazarus habang kumakain sila.
Hindi pumasok si Laureen sa bar dahil niyaya siya ni Lazarus ng dinner date.
"Paanong kakaiba ang ibig mong sabihin?" takang tanong ni Laureen sa kanyang nobyo.
Pumiksi si Lazarus. "Kunwari, tungkol sa akin ganoon. Kung may sinasabi ba siyang hindi maganda tungkol sa akin. Kung palagi ba niya akong bukambibig. Kasi kapag ganoon siya, ang ibig sabihin lang niyan ay may gusto pa rin siya sa akin. Na baka kinukuha niya ang loob mo para humanap ng tiyempo at
