"So ano na ang ganap? Nakukuha mo na ba ang girlfriend ng ex mo? Nagiging komportable na ba siya sa iyo?" tanong sa kaniya ni Jessy.
Nagkibit balikat si Kyra. "Siguro? Hindi ko pa alam pero maayos siyang kausap. Natatawa ako sa mga pinagsasabi niya. Halatang laki siya sa squatter area pero hindi naman siya balasubas kumilos. Iyong bibig niya lang ang wala talagang preno."
Namilog ang mga mata ni Jessy. "Ay ganoon? Bongga pala! Hindi ko akalain na magkakagusto sa ganoong klaseng babae ang ex mo. 'Di ba ang sabi niya sa iyo noon ang gusto niya sa babae iyong tahimik, hindi eskandalosa at pabebe lang kung kumilos? Mukhang mahal na niyang talaga ang babaeng iyon dahil nahulog siya sa isang babaeng taliwas sa mga gusto niya!"
Umangat ang kilay ni Kyra. "Ewan ko. Siguro? Hindi ko rin alam. Wa
