Muling nag-umpisa ang magandang samahan namin ni Chloe matapos ang araw na iyon sa bahay ng mag-asawang Fuentes. Isinantabi namin kung ano man ang mapait na namagitan sa amin.
Maging sa mga party na dinadaluhan ko, napansin ko na mas nag-eenjoy na ako. Malimit na kasing nasa tabi ko si Chloe habang naglilibot at kinakausap ang mga bisitang dumalo. Masaya siyang kausap dahil malawak ang sakop ng kaalaman niya mula sa politics, current events at maging sa showbiz ay updated din siya.
Nasa pool party kami ni Chloe ngayon at ginanap iyon sa isang kilalang resort sa Cavite. Inilibot ko ang paningin sa mga bisitang naroon na. Halos lumuwa ang mata ko sa tanawing bumulaga sa akin. Sa amin sa Cotabato, nakasuot ng mahabang shorts at maluwag na kamiseta ang mga babaeng naliligo sa dagat. Wala kan
