Tumuloy kami sa Plaza matapos makapamili ng bag na yari sa batik. Ang presko ng hangin, mapuno at naalagaang mabuti ang d**o sa buong paligid nito. Maraming bata ang naglalaro kasama ang kani-kanilang pamilya. May naraanan rin kaming mga nagdi-date na magkasintahan.
Niyaya niya akong kumain ngunit tumanggi ako. Mabigat pa rin ang tiyan ko sa kinaing pastil kanina. Sumasama na nga ang pakiramdam ko habang tumatagal.
Nakatanggap ng tawag si Oscar kay Lola at sinabing nagliligpit na sila ng paninda. Sinabihan niyang magkita-kita kami kung saan naka-park iyong kotseng inarkila ni Oscar para sabay-sabay na kaming uuwi.
Walang patid ang bidahan nina Lola habang pauwi kami. Masayang-masaya sila sa laki ng kinita nila ng araw na iyon. Pagdating sa bahay, kinuha ni Oscar mula sa likod ng sasak
