Sumasakit na ang ulo ko hindi lang dahil sa senyorito kundi dahil hapon pa lang ay may tama na ko ng alak kakasalo ng tagay na dapat ay para sa kanya, este para kay Elle. Pinatitigil ko na nga siya dahil mahina ako sa pag-inom pero parang nananadya ang loko at mas binibilisan pa ang pagsasalin uli ng alak sa kopitang kanina'y kasasaid ko pa lang.
"Matalo ka sana," garalgal kong usal, parang tutang nakakandong sa kanya habang naglalaro pa rin siya ng baraha dahil ayaw niya ko paalisin.
Nakakainis talaga. Ano ba ako rito display?!
Sa inis ko ay ako na ang nagkusang tumagay para sa sarili ko. Hindi pa ako nakuntento sa isang kopita, sa sobrang bwisit ay kinuha ko na ang buong bote ng brandy at 'yun na mismo ang nilaklak ko. Mabuti na 'to para makalimutan ko kung ga'no kalaking problema an
