No'ng araw ding 'yon ilang minuto bago mag-alas singko ng hapon ay pumunta ako sa bayan tulad ng napag-usapan namin ni Josefina. Pinahiram niya ako ng cardigan dahil may lagnat pa ako at nilalamig. Nilalabanan ko na nga lang 'yung panlalata at pananakit ng katawan para magawa na namin ang dapat naming gawin kasama ang mga pari.
Binabaybay ko ang dry market dahil tagusan 'to papunta sa munisipyo at sa simbahan ng Picoso. Ang dami kong nadaanang mga sandals at damit. Malapit na ang sweldo ko kaya pakatatandaan kong ibili no'n sina Mama at Juday. Kamusta na kaya sila? Hindi man lang sila tumatawag. Natigil ang pag-vi-video call namin no'ng nasira ni Abel ang phone ko.
"Cellphone repair." basa ko namataang signage. Sumaglit ako ro'n para magtanong. "Kuya magkano po magpagawa ng cellphone na
