Minsan iniisip ko kung bakit ganito ang senyorito. Ano bang pinagdaanan niya sa buhay lalo na no'ng mga huling araw niya at ganito na lang siya kagalit sa mundo? Bakit ganito na lang siya magparusa sa mga babae, kung itrato niya ay parang materyal na bagay lang na pagkatapos pagsawaan ay itatapon na lang?
Marahil ay may trauma siya dahil sa nanay niya— 'yung ina na nagloko at iniwan siya pero hinahanap niya pa rin hanggang sa huling sandali ng buhay niya.
"Kalimutan mo na 'yung sinabi ko," saad ng senyorito nang makabawi.
"Naaalala mo ba 'yung nanay mo? Na saan siya? Anong pangalan niya?" pag-uusisa ko.
"Hindi, hindi ko alam kung bakit ko 'yon nasabi. Wala akong matandaan." Napahawak siya sa ulo niya na parang kumikirot 'yon. "Wala akong alam."
Tinuro ko 'yung mag-ina sa Jollidee. "Ti
