Ehra
Ilang araw ko nang iniisip ang mga narinig ko kay Missy. Ang tungkol sa taong gusto akong pahirapan at pasakitan. Ilang araw ko nang dinadala ang bigat sa puso ko dahil gusto ko na talagang maniwala na pinapaikot lang ni Leon ang mundo ko.
Binihag nya ako.
Dinala nya ako sa islang ito at pinaibig nya ako. Nagtagumpay naman sya dahil nakuha nya ng ganung kadali ang puso ko. Kinuha nya ang lahat sa akin, pati ang sarili kong buhay.
Tapos sa huli ay malalaman kong planado lang ang lahat ng ito at gusto nya lang pabagsakin ang tulad ko?
Matinding pait at kirot ang idinulot nito sa puso ko. Halos gabi-gabi kong iniiyakan ang bagay na ito. Maraming gumugulo sa isip ko. Kung talagang mahal ako ni Leon ay dapat na nagpaparamdam sya sa akin ngayon at kinakamusta man lang nya ang ka
