Ehra
Mahigpit kong binilinan sina Manang Corazon at Tatang Mencio na huwag nang ipaalam kay Leon ang pagdalaw dito nina Paris. Ayokong mag-alala sya sa kalagayan namin ng aking anak.
Ngunit ang totoo ay palaisipan pa rin sa akin ang mga sinabi ni Paris.
Paano kung totoo ang mga isiniwalat nya sa akin? Paano kung talagang pinagpaplanuhan ni Leon ang pagdakip sa akin?
Napailing ako sa aking sarili. Hindi maaaring mangyari ang lahat ng iyon. Kung sakali mang totoo ang lahat ng ito ay kailangan ko syang maunahan.
Napasandal ako sa headboard ng kama at napatulala na lang sa kawalan. Ilang beses akong huminga ng malalim. Ayoko na sanang mag-isip pa dahil baka makasama ito sa ipinagbubuntis ko. Pero hindi ko maiwasang sumagi ito sa isipan ko.
Ilang saglit lang ay bumukas ang pintuan n
