Ehra
Habang binabagtas namin ang daan patungong hideout ay nakamasid lamang ako sa may bintana at tila nawawala ako sa aking ulirat.
Mahimbing na natutulog ang anak ko sa aking mga bisig.
Nakailang beses akong buntong hininga.
Tinatanong ko ang sarili ko kung bakit hindi ako masaya. Bakit mabigat pa rin ang aking dibdib gayong kasama ko na ang anak kong si Joonie.
Akala ko ay matatapos na ang lahat ng bigat sa dibdib ko sa oras na makuha ko ang anak ko sa kanyang ama. Akala ko ay sapat na ang aking anak upang mapunan ang kulang na espasyo sa puso ko.
Ngunit mas lalong bumigat ito nang masilayan ko ang asawa ko kung paano nya niyakap si Missy kanina. Sa paraan ng pagyakap nya sa babaeng iyon ay mahahalata talaga ang matindi nitong pag-ibig para sa kanya.
Muli kong kinuyom ang aking m
