LAUREN'S P.O.V
MASAYA akong naghahabol kay Atlas sa park. Sobrang dami ulit ng mga batang namamasyal dito. Nagpaiwan si Zia sa upuan at iyon naman ang kagustuhan ko para makapagpahinga siya sa pag-aalaga kay Atlas. Sinabi ko na rin sa kanya na babawi muna ako sa anak ko para mabigyan ko siya ng panahon.
"Honey... wait!"
Hingal akong nagtatakbo na habol siya. Ngunit ang saya ko na makita siyang natutuwa na nakikipaglaro sa akin. Nakakatunaw ng damdamin ang ganitong bagay. Humahagikhik siyang nagpapahabol sa akin at panaka-naka niya akong nililingo.
Takbo, tawa at bahagyang nadadapa ngunit babangon at tatakbong muli. Kahit ang liit ng mga hakbang ay ang bilis na niyang tumakbo. Mabilis ang kanyang growth progress. At sa edad niyang isang taon ay mabilis na siyang maglakad at tumakbo.
"H
