LAUREN'S P.O.V
"ALAM kong hindi ka niya titigilan ngayong nakita ka na niya. May alam na ba siya tungkol kay Atlas?"
Halos hindi ako makasagot kay Daddy. Malaki ang galit niya kay Ace lalo na at muntik na akong saktan ni Trixie noon. Hindi naman niya maipagkaila na halos pareho sila ng naging kapalaran ngunit malaki ang pagkakaiba ng sitwasyon nila.
"N-No Dad!"
Para akong nauupos na kandila at hindi ko magawang sumuway sa mga kagustuhan niya. He's been a good father after all. Siya ang nag-ahon sa akin ng mga panahong lugmok ako sa pagkabigo.
"Raymond, karapatan niya pa ring malaman na may anak siya. Huwag mong kalimutan ang nangyari sa atin. Kailangan ng ating apo ang kanyang ama, oo masasabi nating nandito tayo para kay Atlas ngunit hindi natin mabigay ang pgmamahal ng isang tun
