No'ng kami na lang ni Judge Franco ang naiwan sa mesa ay tsaka ko lang din naalala ang tungkol sa grupo ni Akiko na katabi lang namin.
Pasimple kong sinulyapan ang mesa ng mga ito, at lihim akong napangiwi nang maging ang mga ito ay nasa amin din ang mga tingin. Iba talaga si Judge Franco, nakukuha niya ang atensiyon ng kahit na sinong nasa paligid.
Mga anak mayaman ang mga nandito kaya posibleng sanay nang makihalubilo sa mga sikat at kilalang tao, pero kung umasta ay parang ngayon lang nila nakita si Judge Franco. Hindi naman ito artista pero ang lakas ng hatak sa mga elitista.
Kuryosidad at pagkamangha ang nakalarawan sa mukha ng mga estudaynte habang nakatingin sa hukom. Ang grupo naman ni Akiko ay halatang may kasamang tensiyon sa tingin ng mga ito. Kung hindi lang magiging agaw
