Ang lakas ng loob kong magplanong pasakitin ang ulo ni Judge Franco pero ngayon ay hindi ko kayang tumingin nang direkta sa kanya.
Pakiramdam ko talaga ngayon ay sentro kami ng atensiyon ng mga nandito sa cafeteria. Hindi ko an kailangan pang tingnan upang kumpirmahing maraming mga matang nakatutok sa'ming dalawa.
Kung tutuusin ay nadamay lang naman talaga ako sa atensiyon dahil si Judge Franco naman talaga ang kilala rito. Siguro iyong iba ay na-curious lang sa koneksiyon ko sa hukom.
"Bakit ka ba nandito?" hindi nakatiis kong tanong pagkaraan nang ilang sandaling katahimikang namagitan sa aming dalawa.
Pahapyaw lang din ang binigay kong tingin sa kanya dahil maliban sa naiilang akong salubungin ang tingin niya ay ayokong bigyan ng malisya no'ng mga audience namin kung sakaling magka
