Saglit lang na kaming nagkasukatan nang tingin ni Akiko nang ito mismo ang unang nagbawi ng tingin bago nakangiting bumaling sa direksiyon ng mga kasama ko.
"Hey, you can use the vacant table," magiliw na kausap ni Akiko sa mga ito na parang nag-fanservice lang. Pero at least, nagamit niya ang galing sa pag-arte sa kabutihan, nagmukha siyang mabait ngayon.
Pareho namang patda ang ekspresyon ng apat kong classmate. Maging iyong mga nasa malapit na nakarinig ay nagulat din at maang na nagpalipat-lipat ng tingin kay Akiko at sa mga kinakausap nito.
"Thank you, Akiko," pasasalamat ko bago binuhat ulit ang food tray kong nakapatong sa mesa nila.
Walang pagmamadali akong umikot sa mesa nila papunta sa bakanteng mesang uukupahin namin ng mga kasama ko.
Bawat kaibigan ni Akiko na nadadaanan
