Isang hilaw na tawa ang pinakawalan ng kapatid ni Judge Franco. Kapag tumatagal pala ay nakakairita na ang pagiging refined ng kilos ng isang tao lalo na kapag halatang ginagamit iyon upang itago ang tunay na intensiyon.. Para bang bawat galaw niya ay sinukat, bawat ngiti ay pinag-iisipan, at bawat salita ay may nakatagong layunin.
"Interesting," wika niya bago bahagyang ikiling ang ulo. Lumapit siya sa'kin nang isang hakbang. Taglay niya pa rin ang maawtoridad na hangin habang hindi ako hinihiwalayan nang tingin. "Hindi ko inaasahan na ganyan ka…"
Hindi niya tinapos ang pangungusap. Hindi na niya kailangang gawin iyon dahil halata naman sa tingin niya kung ano ang ibig niyang sabihin. Hindi niya inaasahang ganito ka-tapang na nagagawa kong umaktong komportable sa harap niya.
"Disappoin
