
Kapalit ng malaking tulong na ibinigay sa pamilya ni Bechay ng kapatid ng kanyang ina, inatasan siyang alagaan ang bulag nitong asawa na si Dr. Sancho Montecosta.
Ngunit hindi naging madali ang paninilbihan ni Bechay. Bukod sa magaspang nitong ugali, madalas ding may ibang kababaihang lihim na kinakalantari ang doktor kapag wala ang kanyang asawa na tiyahin ni Bechay. Dahil dito, unti unting nakaramdam si Bechay ng galit at pagnanais na ipagtanggol ang tiyahin niya. Kaya hinaharangan niya ang sinumang babaeng bumibisita kay Uncle Sancho.
Hanggang sa dumating ang sandaling hindi na nakatiis ang bulag na doktor sa matinding init na gusto nang sumabog. Sa gitna ng kanyang desperasyon at pangangailangan, si Bechay na lamang ang natirang malapit sa kanya at tila tanging makakatulong sa komplikadong sitwasyon na unti unting bumabalot sa kanilang dalawa.

