If Only
NANIBAGO AKO sa katahimikan ng paligid nang magising ako. Sa halip na magising ako sa ospital katulad ng dati ay sa loob lamang ng aking kuwarto. Hindi na ako nagtataka kung bakit nagising akong walang nagbabantay sa akin. Abala sa trabaho sina Zachary at Lizbeth, ganoon din naman si kuya. Malamang ay abala rin sa mga gawaing bahay si Nanay Goring. Iyon nga lang, si Ate Koreen? Nasaan kaya siya? Tahimik akong lumabas sa aking kuwarto. Nakikiramdam sa paligid. Damang-dama ko naman ang t***k ng aking puso at sa bawat paglapat ng aking hubad na talampakan sa malamig na sahig ay para bang yumuyugyog iyon na anumang oras ay maaring gumuho at lamunin ako. Ngunit alam kong dahil lamang iyon sa masama pa rin ang aking pakiramdam. Naagaw ang aking pansin habang pababa ako sa hagdananan nang mar
- Writer
