"Pahawak nga rin ng kamay mo," wika ni Kendra, sabay hawak sa kamay niya.
"May sakit ka ba?" tanong ni Suzy.
"Tara, dalhin ka namin sa clinic," yaya ni Pam.
"Ha? 'Wag na. Wala naman akong sakit, e. Hindi naman masama ang pakiramdam ko," sabi niya.
"Hali ka na..." Biglang hinatak ni Pam ang kamay niya. Sumunod din sa kanila ang dalawa.
Nakakainis naman! Bakit ba kasi ako pa ang nakakita sa pagtutukaan nilang dalawa.
Habang naglalakad silang apat ay biglang sumulpot sa harapan nila si Amaury. Pakiramdam niya ay hindi lang mas lumamig pa ang kamay niya, kung hindi nanginginig na rin siya. Huminto ito sa mismong harapan niya kaya nagtaka ang mga kaibigan niya.
Inch na lang talaga ang pagitan nila. Napapikit siya ng mga mata niya nang biglang nilapit ni Amaury ang mukha nito sa mu
