Hala, paano kaya ako makakauwi ngayon? Nasaan na kaya si Claude? Makikisabay akong muli sa kaniya. Nasa labas pa rin siya ng gate ng school, hinihintay niyang dumaan ang binata para makiangkas uli siya.
"Deanna, akala ko ba nakauwi ka na? Narito ka pa pala," bulalas ni Suzy. Inakbayan pa siya nito, "Mauna na ako, ha?" paalam nito. Hindi man lang siya nito pinagsalita kaya umiling-iling na lamang siya.
Baka nauna na siyang umuwi. Maglakad na lang kaya ako?
Wala siyang ibang nagawa kung hindi ang maglakad, kaysa naman sa amagin siya sa kahihintay.
Maya-maya'y may motorsiklong huminto sa may kinaroroonan niya. Laking gulat niya na si Amaury iyon, buong akala niya pa naman ay ang kapatid nito. Ano kaya ang ginagawa ng lalaking ito rito? Naawa ba siya sa 'kin? Pero imposible.
"Oh, baki
