Bumaba siya ng sala para alamin kung umuwi na si Doña Estrella.
"Hija, kumusta ang first day of school mo?" bungad sa kaniya nito.
Nginitian niya ito. Nilapitan niya ito at naupo siya sa tabi ng matanda, "Hi, Grandma. Ayos lang naman po. Sobrang laki po pala ng university na iyon."
"Mabuti naman kung gano'n, Hija. Nagustuhan mo ba ang school?" tanong nito sa kaniya.
"Oo naman po, Grandma. Salamat nga po pala sa lahat ng tulong mo sa 'kin. Hindi ko po inakala na matutupad po ang aking matagal nang pangarap, ang makapag-aral ng kolehiyo at pangarap din po ito ni Lola Delilah kaya sisipagan ko po talagang mag-aral," bahagi niya.
"Siyempre naman, Hija. No'ng huling tawag sa 'kin ni Delilah, sinabi niya sa 'kin na matalino ka raw. Magaling sa lahat ng bagay at mapagmahal na apo," kuwen
