"Ano kamo hijo nais mo nang isama si Janna sa inyong tahanan?" kunot-noong tanong ni Mother Superior sa kanya.
Alam niya na para sa butihing Madre ay kabastusan ang nais niya. Pero ipinangako niya sa kanyang sarili kanina na hindi siya papayag na hindi pa niya maisama si Janna pabalik sa villa ng kanyang lola. Natatakot kasi siya na baka may gawin na naman itong hindi maganda lalo pa at kanina lamang ay namataan niya ang sakristan na nakatingin sa kanila habang kumakain sila sa bakuran ng bahay ampunan. Nasa kabilang panig ito ng pader at tila pinagmamasdan si Janna.
"Iyon po sana ang nais ko Mother Superior, baka po kasi bukas ng madaling araw ay bumalik na kami sa Manila ni Janna. Hindi po kasi maaaring magtagal pa kami dito dahil baka matunugan po ni Janna Mae na nandito ako sa prob
