Nais ni Cedrick na may makausap man lang tungkol sa kanyang pinagdadaanan ngayon. Pakiramdam kasi niya ay nababaliw na rin siya sa kaiisip kung ano nga ba ang dapat niyang gawin kung susuko na ba, kung pababayaan na lang niya si Janna o magpapatuloy pa rin. Ang kanyang isipan sinasabi na tama na, sobra na dahil hindi siya dapat nagdurusa ng ganito. Batid niya sa kanyang sarili na mabuti siyang tao at wala siyang inagrabyado kaya bakit siya nakaranas ng ganitong hirap. Tama lamang na itigil na niya ang kahibangan iyon.
Ngunit iba naman ang sinisigaw ng kanyang puso nais niyang patuloy na sumugal, nais niyang magpatuloy at inaasam pa rin niya na maging maayos ang lahat sa kanila ni Janna. Mahal na mahal pa rin niya ang babae sa kabila ng lahat ng mga ginawa nito sa kanya. Kahit na ilang la
