Kabanata 47
KATARINA, KATARINA?
Napakunot ang noo ko nang may tumatawag sa akin sa labas ng gate.
“Nanay, may kotse.”
“Dito ka lang anak ako ang titingin ‘wag kang lalabas ng bahay.
“Opo, ‘nay.”
“Katarina, may naghahanap sa iyo ang guwapo at mukhang mayaman.” Ito ang bungad sa akin ni aling Dhalen.
“Sino daw?” tanong ko.
“Hindi ko rin alam. Nandoon kausap ng mga pulis sa kanto.”
Nang makalabas nga ako ay nakita ko ang magarang kotse sa tabi ng aming gate. Sa di kalayuan ay natanaw ang magandang tindig ni Marco. Kahit pa nakatalikod ito ay kilalang-kilala ko siya. Nakapamulsa ang dalawa niyang kamay at magara ang kasuotan habang ang limang pulis sa checkpoint area ay nakikipag-usap kay Marco.
“Sir, nandito na po si Katarina.” Malakas na sigaw ni aling Dhalen dahilan para
