ISANG BUWAN pa ang nagdaan at masasabi kong maayos naman ang nagdaan na mga araw. Sumunod si Marco sa sinabi ko na hindi na isama pa si Seleste kaya wala akong naging pangamba. Kapag bumibisita si Marco ay naglalaro sila ni Carina at maraming gamit na binibili si Marco para sa anak niya. Mahigpit ko lang na habilin na huwag na siyang magbigay ng pera dahil hindi ko kailangan ng pera niya at may sarili akong pera.
“Nanay, pakitali naman po ng buhok ko sa likod.”
“Anak, doon lang naman tayo kila tita Carmela mo bakit bihis na bihis ka?” Saad ko sa kanya at sinuklayan ko siya at tinali ko ang kanyang buhok.
“Kasi po susunduin daw tayo ni daddy. Gusto kop o maganda ako sa harap ni daddy.”
“Bakit naman? Kahit anong ayos mo ay maganda ka, anak. Hindi mo kailangan mag-effort para sa daddy
