PARA siyang binuhusan ng malamig na tubig habang nakatitig kay Edgar Navarro. May bumikig sa lalamunan niya. Lalo at tuluyang lumabas ang emosyon sa mukha ng may-edad na lalaki at tila nais pang lapitan siya. “Bakit ngayon niyo lang sinasabi sa akin ang tungkol dito?” hindi napigilan ni Brad ang manumbat. Parang sasabog ang dibdib niya sa labis na emosyon at kinailangan niyang kumalas sa pagkakahawak ng kanyang ina at naglakad palapit sa pinto, palayo sa dalawa. Nanginginig ang buo niyang katawan at kinailangan niyang ikuyom ang mga kamao upang kontrolin ang boses niya. “Ang tagal mo nang nagtatrabaho sa kompanya nila, mommy. Ang tagal na! Don’t tell me, sa loob ng maraming taon ay hindi niya alam na anak niya ako? O alam niya pero wala siyang pakielam? In the first place, bakit ka nagtatr
