MAHABANG katahimikan ang namayani sa silid. Pakiramdam ni Brad ay pinunit sa dalawa ang puso niya habang nakatitig sa pinto kung saan lumabas si Almira. Hindi siya makapaniwala sa mga sinabi ng babae. Hindi niya maatim na gusto nitong hiwalayan siya. Sa kabilang banda ay napuno ng init at malalim na emosyon ang kanyang dibdib nang makita sa ekspresyon ni Almira ang sinseridad habang sinasabi ang kondisyon nito para daw iwan siya. That she was willing to leave him just for his mother to hold on to life made him want to reach for her and hold her tight. Napako lang siya sa kinatatayuan dahil nakita niya ang determinasyon sa mukha nito.
Maging ang mga salitang hindi nito sinabi ay nakita niya sa mga mata ni Almira. Mahal kita. Dahil mahal kita kaya handa akong iwan ka. Iyon ang tila sinasabi
