UGH, wrong timing. Parating na si Brad para sunduin ako, naiiyak na naisip ni Almira habang nakaluhod sa harap ng toilet bowl at inilalabas ang laman ng sikmura niya. Dati rati ay nangyayari lamang iyon kapag maliligo siya pero ngayon ay nagising siya na naduduwal. Tuloy ay napatakbo siya sa banyo at hindi na nagkaroon ng pagkakataong isara ang pinto o buksan ang gripo para hindi siya marinig ng mga tao sa bahay nila.
Nanghihina siyang napaupo sa sahig at hinahamig ang sarili nang maramdaman niyang may tao sa pinto ng banyo. Lumingon si Almira at parang may sumipa sa dibdib niya nang makitang nakatitig sa kaniya ang kanyang ina. Nanlalaki ang mga mata nito, nakanganga at bakas ang reyalisasyon sa mukha. Nahigit niya ang hininga dahil inaasahan niyang dadakdakan siya ng nanay niya. Kaya n
