Pero imbes na sumagot ay lumapit siya sa akin at inilabas ang kuwintas na nakasabit sa leeg ko.
“Ito! Hindi pa ba malaking katunayan ito? Alam mo bang puwedeng atakehin sa galit si lola kapag nakita niya ito na nasa iyo? Mabuti na lang hindi niya napansin iyan kanina,” napayuko ako para tingnan ang kuwintas. Pagkatapos ay muli ko siyang tiningnan sa mga mata.
“Ano’ng ibig mong sabihin?” may ideya na ako, pero hindi ako sigurado. Basta ang alam ko lang mahalaga sa pamilya nina Sander ang kuwintas na binigay niya sa akin.
“That necklace is a family heirloom. Ang nakatatanggap lang niyan ay iyong panganay na babae ng pamilya. Since walang anak na babae sina tita Pia at Tito Sergio, ang mapapangasawa ng panganay na anak nila ang magmamay-ari niyan. Sa palagay mo ba, kung hindi sigurado si k
