Pumasok kami sa isang coffee shop na iilan lang ang customer. Napansin kong may mini library sa bandang kanan. Ang mga ganitong lugar ang paborito kong puntahan noon sa Amerika kapag gusto kong mapag-isa.
“How are you, Coleen?” napalingon ako kay Sander nang marinig ang tanong niya. Kaaalis lang ng waiter na kumuha ng order niya.
“I’m good. Please get straight to the point. May naghihintay pa kasi sa akin kaya kailangan ko nang umalis agad,” malamig na tugon ko sa kaniya. Nariyan na naman ang malungkot niyang titig na parang humahalukay sa dibdib ko.
“Bakit hindi mo ginagamit ang apelyido ng asawa mo? Kanina, noong ipinakilala ka, I didn’t hear your husband’s surname,” mahinang tanong niya. Umiwas agad ako ng tingin.
“Well, hindi ko ginagamit ang apelyido niya kapag nasa mga business g
