MADILIM ang mukha ni Maxwell, habang papunta sa condo ni Eualie. Wala na siyang napala ka Liam, ayaw magsalita ng binata tungkol sa mga plano ni Eualie. Dahil sa nalaman, hindi na alam ng binata kung sino ang dapat niyang pagkatiwalaan.
Saktong magdidilim na sakto para sa dinner date nilang dalawa. Pero hindi na 'yon ang pinunta ni Maxwell, kundi ang balak ni Eualie na pagpapatay kay Frostine. Hindi siya papayag na mawala sa kanya ang babaeng mahal niya.
Pagkarating niya sa condo ni Eualie, agad siyang sumakay ng elevator. Habang papalapit ang binata sa kung saang palapag naroroon si Eualie ay lalo siyang nakaramdam ng galit.
Pagbukas na pagbukas ng pinto ng elevator ay lumabas na agad ang binata. Malaki ang hakbang na ginawa niya patungo sa unit ni Eualie.
Inilagay niya ang password
