Balisa akong pumasok sa kompanya ng amo kong abnormal. Ang normal na pagbati ng guard sa akin ay hindi ko pinansin at nagtuloy-tuloy lamang sa elevator. Pilit bumabalik ang lahat ng pangyayari kagabi.
Habang inilalapag niya ako sa aking kama ay hindi niya alam na nagkukunwari lang akong tulog para marinig ang boses niya. Marami siyang sinabi at higit sa lahat ay napangiti ako nang maalala ang kaniyang pag-amin na gusto niya rin ako.
Marami rin akong gustong itanong sa kaniya pero ayaw ko naman sirain ang moment niya kagabi. Pakiramdam ko ay hindi ako makahinga sa puntong iyon at ayaw nang gumalaw ng buong katawan ko kaninang paggising.
Gusto kong itanong sa kaniya kung kailan at paano niya ako nagustuhan. Isang malaking rebelasyon ang aking napakinggan mula sa kaniya. Feeling ko ay par
