BUONG seremonya ng kasal ay nakalutang si Fiona. May bahagi sa puso niya na natutuwa dahil si Jayden ang groom nito. Gusto niyang umasa na umaarte lang ito pero ang totoo ay siya talaga ang planong pakasalan, wala ng iba. Hindi nito maiwasang maalala ang nakaraan nila na nangako si Jayden na siya lang ang bukod tanging pakakasalan pagdating ng araw. Na kahit hindi umayon sa kanila ang tadhana ay gagawa si Jayden ng paraan niya para sa huli ay sila pa rin ang magkatuluyan.
Napangiti ito na maalala ang mga naganap kagabi. Kung saan naglasing siya at napanaginipan niyang dumating si Jayden ng unit habang nagwawala siya na naglalabas ng sama ng loob. Ang pag-asikaso ni Jayden sa kanya sa kanyang panaginip at pagkulong sa kanya sa bisig nito ng buong magdamag.
Mas lumakas ang loob nito na t
