MAAGA pa lang ay nasa tapat na ang sundo ni Fiona. Ang driver ni Jayden. May tinapos kasing report si Jayden na hindi niya nagawa kahapon at nag-absent sila kaya ang driver nito ang inutusang sumundo sa dalaga.
"Anak, may tiwala ako sa'yo ha? Pagbutihan mo ang pag-aaral mo. Saka. . .hindi ko gusto 'yong naga-absent ka ng klase mo para lang makapag-date kayo ni Jayden. May weekend naman eh. Sa weekend na lang kayo mag-date ni pogi para hindi kayo uma-absent ng klase. Pinapaalalahanan kita kasi ayokong madapa ka, Fiona." Pagpapayo ng Tiyahin nito habang nagsusuklay ng tinuyo nitong buhok si Fiona.
Nababahala kasi si aling Kyla dahil napakalaki ng pagbabago ni Fiona magmula nang magkalapit sila ni Jayden. Isang araw niya pa lang nakakasama ang binata pero sinagot na niya agad at lumiban p
