Napakunot ang noo ko at gulat na napatingin sa screen ng phone ko dahil sa sinabi ni Ashley. Sandali akong natahimik saka nabalik sa sarili. "What the f**k are you talking about?" sambit ko.
"Huwag ka nang tumanggi pa. Nabalitaan ko ngayon na may namatay na lalaki sa mini cafe at nagngangalang Ron Archilles. Ang ikinamatay pa ay lason. Ikaw lang naman ang huli niyang nakasama at isa pa, naalala ko ang sinabi mo kanina sa akin. Kaya ka pumayag na makipag-kita sa kaniya ay dahil sa akin, hindi ba? Baka sa galit mo sa kaniya dahil sinasabi mo kanina na 'ginagago' niya ako ay nilason mo siya dahilan kung bakit siya nawalan ng buhay."
Hindi ako makapaniwala sa mga binibitawang salita ni Ashley sa akin ngayon. Paano niya ako nagagawang pagbintangan nang ganito?! Hindi ko akalain na sobrang sa
